एसएलसीको नतिजा असार पहिलो साता

 

सुर्खेतपत्र संवाददाता 

भक्तपुर, २४ जेठ ।
    परीक्षा नियन्त्रण कार्यालय सानोठिमीले यस बर्षको एसएलसीको नतिजा असार पहिलो साता प्रकाशित गर्ने तयारी गरेको छ ।

गतवर्ष असार ६ गते परीक्षाफल प्रकाशित गरेको थियो । ‘जतिसक्दो चाँडो परीक्षाफल प्रकाशित गर्ने तयारी भइरहेको छ,’ उपनियन्त्रक अम्विकाप्रसाद रेग्मीले भने, ‘यही अनुसार काम भयो भने असार पहिलो साता नतिजा सार्वजनिक गर्छौ ।’ चैत ७ गतेदेखि सुरु भएको परीक्षामा पाँच लाख १० हजार परीक्षार्थीले सहभागी जनाएका थिए ।