सार्वजनिक लेखापरीक्षण कार्यक्रम

 

सुर्खेतपत्र संवाददाता 

सुर्खेत, १२ असार ।
    जिल्ला स्वास्थ्य कार्यालय सुर्खेतको आर्थिक सहयोग तथा असल शासन क्लब जिल्ला समन्वय समिति सुर्खेतको आयोजनामा स्वास्थ्य चौकी गढीमा सार्वजनिक लेखापरीक्षण कार्यक्रम मंगलवार सम्पन्न भएको छ । कार्यक्रममा स्वास्थ्य चौकी गढीका कर्मचारी, राजनीतिक दलका प्रतिनिधि, स्वास्थ्य व्यवस्थापन समितिका पदाधिकारी, शिक्षक  महिला स्वास्थ्य स्वयंसेविका, सर्वसाधारण गरी  ४४ जनाको सहभागिता रहेको थियो ।

    कार्यक्रममा संस्थाले प्रदान गरिरहेको सेवाको गुणस्तरका बारेमा छलफल भएको छ । साथै कार्यक्रमबाट स्वास्थ्य चौकीको सुरक्षाका लागि तारबार गर्ने र प्रसुति केन्द्रको भवन निर्माण लगायतका २ वटा कार्ययोजना समेत बनेको छ  ।
    कार्यक्रम असल शासन क्लब जिल्ला समन्वय समिति सुर्खेतका सहजकर्ता घनश्याम केसीको सहजीकरणमा सम्पन्न भएको हो ।