श्रीमानविरुद्ध उजुरी

 

सुर्खेतपत्र संवाददाता 

बैतडी, १ साउन ।
    महिनादिन अघि जन्मेको छोरा लोग्नेले अस्वीकार गरेपछि बैतडी भूमिराजकी एक युवती प्रहरीमा उजुरी गर्न सदरमुकाम आएकी छन् । भूमिराज–८ की २१ बर्षीया कमला खडायत (साउद)ले गत जेठ ९ गते जन्माएको छोरा २२ बर्षीय लोग्ने कमल साउदले स्वीकार नगरेपछि जिल्ला प्रहरी कार्यालयमा उजुरी दिन आएको बताइन् ।

    ‘आफैंले जन्माएको छोरा मेरो होइन भनेर मलाई अलपत्र पार्न खोजेको छ’ लोग्ने विरुद्ध प्रहरीमा उजुरी गर्न आएकी कमलाले भनिन्, ‘आफ्नै छोरा नस्वीकारेपछि प्रहरीको शरणमा आएकी हुँ ।’