आफ्नो प्रतिक्रिया दिनुहोस्

 

‘सुर्खेतपत्र’ दैनिकले आफ्नो पहिलो बर्षको यात्रा पूरा गरेको छ । आजदेखि हामी दोस्रो बर्षमा प्रवेश गर्दैछौं । यो एक बर्षको अवधिमा यस दैनिकले ठूलै आरोह अवरोह छिचोलेको छ । नागरिकलाई सुसूचित गराउनका लागि स्थापना भएको यस दैनिकले कति सुसूचित गरायो वा गराएन त्यो त आमपाठकले मूल्यांकन गर्ने विषय हो । तर हामी के भन्छौं भने सुसूचित गराउनमा यस दैनिकले आफ्नो ताकतले भ्याएसम्म गरेको छ । २०६८ साल असोज १ गते जव हामीले ‘सुर्खेतपत्र’ दैनिकको पहिलो अंक बजारमा ल्यायौं, यसले नयाा तरंगहरु पैदा गरिदियो । त्यो तरंग एक बर्ष वित्दासमेत साम्य हुन सकेको छैन । लोकतन्त्रलाई संस्थागत गर्न, पीडित तथा आवाजविहीनहरुको आवाजलाई उजागर गर्न, सुर्खेतका विकास निर्माणका कार्यलाई जनसमक्ष ल्याउने हाम्रो जुन प्रण थियो, त्यसमा हामी रत्तिभर पनि विचल्लित नभइ काम गरिरह्यौं । हाम्रो यसै प्रणलाई समग्र सुर्खेतबासीले साथ दिए जुन हाम्रो लागि प्रेरणाको भिटामिन बन्न पुग्यो ।
    सुर्खेतमा अहिले करिव एक दर्जन पत्रिकाहरु प्रकाशित हुदैं आएका छन् । सवैको आ–आफ्नै रङ र विशेषता हुनसक्छ । तर ‘सुर्खेतपत्र’ दैनिक भने ती पत्रिकाहरुको भीडमा आफूलाई पृथक राख्न सफल भएको महसुस हामीले गरेका छौं । राजनीतिक नेताका बोली भन्दा पीडितका बोलीलाई यसले बढ्ता स्थान दिन पुगेको छ । विज्ञापन नदिएकै झोंकमा यसले आफ्नो मर्यादा र आचारसंहिता विर्सिएको छैन । रिसीवीका कारण कसैलाई नांगेझार बनाउनपनि यस दैनिक कहिल्यै उद्दत रहेन । आर्थिक अभाव झेलेपनि कसैको दवावमा यो दैनिकले आफ्नो मूल्य र मान्यतालाई बिर्सिएन । बरु नागरिकको सूचना पाउने अधिकारमा सधैं तल्लीन रह्यो ।
    प्रतिस्पर्धाको समयमा पत्रिकामा पनि चर्को प्रतिस्पर्धा छ । सुर्खेतमा अनियमित विद्युत, बढ्दो पत्रिकाको भीड, सानो बजार, दक्ष जनशक्तिको अभावलगायतको समस्या छ । यसका वीचमा पनि ‘सुर्खेतपत्र’ दैनिकले आफूलाई अरु भन्दा पृथक बनाउने अभ्यासमा लागिपरेको छ । विज्ञापनदाताहरुले सहयोग गरिरहनुभएको छ । लेखक स्तम्भकारहरुले लेखरचना दिएर हामीलाई हौस्याइरहनुभएको छ । यो अवधिमा हामीलाई गिराउने असफल प्रयत्न नभएका पनि हैनन् । प्रत्यक्ष वा अप्रत्यक्ष रुपमा अझैपनि त्यस्ता प्रवृत्ति भइरहेका छन् । तर हामी त्यस्ता प्रवृत्तिका सामु झुकेनौं । बरु ती प्रवृत्ति अन्त्यमा हारथाक मानेर आफै बिलाएका छन् । हामी आफ्नो लक्ष्य र प्रणमा अडिग रहेका छौं । दुई चार दिनलाई मात्र हो यो रहर भन्ने वाक्य बोकेर हिंड्नेहरु अहिले हामीलाई सहयोग र माया गरिरहेका छन् ।
    अन्त्यमा, हामीलाई सधैं साथ र समर्थन दिनुहोस् । हामीलाई तपाईहरुको साथ, समर्थन, विश्वास र सहयोग चाहिएको छ । यदि यो हामीले पायौं भने हामी हाम्रो पाइलालाई अझ दह्रो बनाउनेछौं । एक बर्षको अवधिमा हामीलाई विज्ञापन दिने विज्ञापनदाता, लेख रचना उपलव्ध गराउने लेखक स्तम्भकार, सहयोग, सहानुभूति दिने समग्र पाठकवर्ग, बुद्धिजीवि तथा सुर्खेतबासीप्रति ‘सुर्खेतपत्र’ दैनिक कृतघ्न छ र रहनेछ ।
 

ललित बसेल
प्रकाशकरसम्पादक