एक रुपैयाँमा एक लिटर डिजल

 

एक लिटर डिजेलहामीकहाँ एक लिटर डिजेलको मूल्य झण्डै एक सय रुपैयाँ पर्छ । तर यो दुनियाँमा यस्ता देश पनि छन् जहाँ एक लिटर डिजेल किन्न एक सय पैसा पनि तिर्न पर्दैन । हो विश्वमा एउटा यस्तो देश छ जहाँ डिजेल पानी भन्दा पनि सस्तोमा पाइन्छ । यो देश विश्वमा सबैभन्दा कम मूल्यमा डिजेल पाइने देश हो । यो समाचार पर्दा तपाईंको मनमा जिज्ञासा उठ्यो होला, आखिर त्यस्तो देश कुन रहेछ ? भनेर । हो, भेनेजुयला त्यस्तो देश हो, जहाँ डिजेलको मूल्य विश्वमै सबैभन्दा सस्तो छ । यहाँ एक लिटर डिजेलको मूल्य झण्डै एक रुपैयाँ पर्छ ।
भेनेजुयलाको ९० प्रतिशत अर्थ व्यवस्था पेट्रोलियम पदार्थमै टिकेको छ । यहाँका मान्छेले डिजेलमा भन्दा खाने पानीका लागि बढी पैसा खर्च गर्नु परिरहेको छ । 

भेनेजुयला पछि इरान सस्तो डिजेल पाइने मामिलामा दोस्रो स्थानमा पर्छ । त्यहाँ एक लिटर डिजेलको मूल्य झण्डै डेढ रुपैयाँ पर्छ । यता विश्वमा डिजेलको भाउ सबैभन्दा महंगो पर्ने देश नर्वे हो । नर्वमा एक लिटर डिजेलको मूल्य २ सय ४० रुपैयाँ पर्छ। त्यस्तै ग्रिसमा एक लिटर डिजेलको मूल्य झण्डै १ सय ९० रुपैयाँ पर्छ । इजरायलीले एक लिटर डिजेलको भाउ झण्डै १ सय ८० रुपैयाँ तिर्नुपर्छ । त्यस्तै फिनल्याण्डमा एक लिटर डिजेलको मूल्य झण्डै १ सय ७० रुपैयाँ पर्छ ।