चार गाविस खतरामा

सुर्खेतपत्र संवाददाता 

कञ्चनपुर, २४ असोज ।
    झर्नाखोलाका बाढी पीडितहरुले आरक्षबाट बगेर आउने पानी आरक्षबाटै तुरुन्तै निकास नभए चार गाविस खतरामा रहेका कारण तुरुन्तै खोला नियन्त्रण गरिनुपर्ने माग गरेका छन् । झर्नाखोला आरक्षबाटै निकास नभए चार गाविस बेल्डाँडी, रौतेलीविचुवा, श्रीपुर र रामपुरको मानविय बस्ती नै खतरामा रहेको भन्दै खोला निकास हुनुपर्ने माग गरेको छन् ।

    झर्नाखोलाको क्षतिबारे निरीक्षण गर्न मंगलबार त्यहाँ पुगेको महाकाली सिचाईको टोलीसंग झर्नाखोला पीडितहरुले आरक्षबाटै बगेर आउने पानी आरक्षबाटै निकास गरिनुपर्ने माग गरेका हुन् । यसवर्ष पनि खोलाको निकास नभए बेल्डाँडी, रौतेलीविचुवा, श्रीपुर र रामपुरको मानविय बस्ती नै खतरामा रहेको भन्दै तुरुन्तै खोला निकास हुनुपर्ने माग गरेका थिए ।
    कञ्चनपुरको दक्षिणी भेग बेल्डाँडी र रामपुर गाविसको वडा नं. ९ मा पर्ने झर्ना खोलाका पीडितहरुले महाकाली सिचाईका पदाधिकारीहरु समक्ष यस्तो माग गरेका हुन् । आरक्षबाट बगेर आउने पानीको निकास तुरुन्तै आरक्ष कार्यालयले गर्नुपर्ने र आरक्षको पानीलाई कालिकिच र पत्थरिया खोलामा निकासी गर्नुपर्ने माग गरेका हुन् । झर्ना खोलाको निरीक्षणका महाकाली सिचाईका प्रमुख रोशन प्रधानको  टोलीलाई झर्ना खोलाका पीडितहरुले झर्नाखोला तुरुन्तै निकास नभए दुई गाविस बेल्डाँडी रामपुर खतरामा रहेको चिन्ता व्यक्त गर्दै यस्तो माग गरेका हुन् ।
    झर्नाखोला पीडित जमनसिंह नगालका अनुसार पीडितहरुले जुन शुल्लाफाँटा आरक्षबाट बगेर गाउँमा आउने पानीको निकास आरक्ष कार्यालयले गर्नुपर्ने माग राखेको  र शुक्लाफाँटा आरक्षले नै उक्त पानीको निकास कालिकिच र पत्थरिया खोलामा गर्नुपर्ने माग राखेको बताए ।
    गतवर्ष झर्नाखोला नियन्त्रणमा आएको २ करोडको बजेटमा ४० लाखको मात्रै काम भएको र बाँकी बजेटका विषयमा पनि महाकालीका पदाधिकारी समक्ष कुरा राखेको नगलाले बताए । गतवर्ष महाकाली सिचाई र नरहका अध्यक्षको मिलोमतोमा ४० लाख बराबरको मात्रै काम भएको भन्दै स्थानीय जनताहरु अक्रोशित भएका छन् । अर्का पीडित दिनेश ठकुराठीले यसवर्ष खोलाको पानी निकास नभए चार गाविसहरु डुवान र कटानीको चपेटामा पर्ने खतरा भएका कारण पनि शुल्लाफाँटा आरक्षबाटै पानी निकास गर्नुको विलक्प नभएको बताए । ठकुराठीका अनुसार पीडितहरुको जवाफमा महाकालीका पदाधिकारीहरुले आफ्नो कार्यालयबाट हुने सक्दो प्रयास गर्ने प्रतिबद्धता जाहेर गरेका छन् ।