चट्याङबाट २ को मृत्यु

सुर्खेतपत्र संवाददाता 

रुकुम, ६ माघ ।
    शुक्रवार राती पश्चिम रुकुमको पूर्तिमकाँडा गाविसमा चट्याङमा परी १ जना युवाको ज्यान गएको छभने ९ जना घाइते भएका छन् । मृत्यु हुनेमा पूर्तिमकाँडा–६ जंगल गाउँका २१ वर्षीय टोपबहादुर पुन छन् । घाइते हुनेहरुको स्वास्थ्य अवस्था खतरामुक्त रहेको रुकुमका सहायकप्रमुख जिल्ला अधिकारी अर्जुन भण्डारीले जानकारी दिए ।

    यसैवीच शुक्रवार रातीदेखि भइरहेको वर्षासंगै परेको चट्याङ लागेर कैलालीमा एक जनाको मृत्यु भएकोभने तीन जना घाइते भएका छन् । जिल्ला प्रहरी कार्यालयका अनुसार गए रातीको वर्षासंगै परेको चट्याङबाट टीकापुर नगरपालिका–१ की ३५ वर्षीया भिकुली विकको मृत्यु भएको छभने उनका चार वर्षीय छोरा दिपक घाइते भएका छन् ।