सुर्खेतपत्र संवाददाता
नेपालगन्ज, १७ माघ ।
पूर्व–पश्चिम राजमार्ग अन्तर्गत कोहलपुर क्षेत्रका बसपार्क, चप्परगौडी, दशविगाह क्षेत्रमा संचालित होटलहरुले यात्रु तथा सर्वसाधारणबाट मनपरी मूल्य लिने, मिसावट र अखाद्य पदार्थको विक्री गर्ने गुनासो आइरहेका बेला स्थानीय होटल संचालकहरु उपभोक्ता ठगी नियन्त्रणको प्रयास सुरु गरेका छन् । यहाँका होटल संचालकहरु विकृति रोक्न आफूहरु प्रतिबद्ध रहेको भन्दै होटल मेचीमहाकालीका संचालक चन्द्र भुषालको संयोजकत्वमा ११ सदस्यीय होटल अनुगमन समिति गठन गरेका छन् । गठित अनुगमन समितिमा यस क्षेत्रका होटल व्यवसायी, सरकारी निकायका प्रतिनिधि, प्रहरी प्रतिनिधि लगायतको सहभागिता रहेको छ ।
अनुगमन समितिले राजमार्गमा यात्रु तथा सर्वसाधारणको ठगी र अखाद्य वस्तुको मिसावट नियन्त्रणमा सक्रियरुपमा लाग्ने संयोजक चन्द्र भुषाले बताए । राजमार्ग संचालित होटल तथा नास्ता पसलहरुबाट ठगी, अखाद्य, गुणस्तरहीनको कारोवार भएका घटना र गुनासा समाधानका लागि सरकारी निकायमात्र नसक्ने हुँदा स्थानीय नागरिकको सहभागिता र समन्वयमा विकृति रोक्न समिति निर्माण गरिइएको खाद्य प्रविधि तथा गुण नियन्त्रण क्षेत्रीय कार्यालय नेपाल गन्जका प्रमुख वेदनाथ गौतमले बताए ।पूर्व–पश्चिम राजमार्ग अन्तर्गत कोहलपुर क्षेत्रका बसपार्क, चप्परगौडी, दशविगाह क्षेत्रमा संचालित होटलहरुले यात्रु तथा सर्वसाधारणबाट मनपरी मूल्य लिने, मिसावट र अखाद्य पदार्थको विक्री गर्ने गुनासो आइरहेका बेला स्थानीय होटल संचालकहरु उपभोक्ता ठगी नियन्त्रणको प्रयास सुरु गरेका छन् । यहाँका होटल संचालकहरु विकृति रोक्न आफूहरु प्रतिबद्ध रहेको भन्दै होटल मेचीमहाकालीका संचालक चन्द्र भुषालको संयोजकत्वमा ११ सदस्यीय होटल अनुगमन समिति गठन गरेका छन् । गठित अनुगमन समितिमा यस क्षेत्रका होटल व्यवसायी, सरकारी निकायका प्रतिनिधि, प्रहरी प्रतिनिधि लगायतको सहभागिता रहेको छ ।
रागमार्ग क्षेत्रमा ठगी, मिसावट, अखाद्य वस्तुको व्यापार भइरहेको गुनासो आइ
रहेकोले स्थानीय होटल संचालकहरुकै अगुवाइमा अनुगमन समिति गठन गरिइएको हो । अनुगमन समितिले राजमार्ग क्षेत्रका होटलमा हुने ठगी र अखाद्य मिसावटको अनुगमन र कारवाहीका लागि सिफारिस गर्नेछ । केही होटल तथा नास्ता पसल संचालकहरुका कारण अन्यको पनि वेइजत र आरोप खेपिरहेकोले यात्रु ठगी नियन्त्रणमा समिति लाग्ने संयोजक भुषालले बताए । अनुगमन समितिले अव यस क्षेत्रका होटल, नास्ता पसलहरुमा सरसफाई, मूल्य सूची, खाद्य वस्तु,मापदण्ड पूरा भए नभएको लगायतको अनुगमन, निरीक्षण गर्ने र उपभोक्ता ठगी गरेको पाइएमा प्रहरीलाई जानकारी गराइ कारवाहीका लागि सिफारिस गर्नसक्ने छ ।
मध्य र सुदूरपश्चिममा अखाद्य, मिसावट र कालो बजारी नियन्त्रणको जिम्मा पाएको खाद्य प्रविधि तथा गुण नियन्त्रण क्षेत्रीय कार्यालय नेपालगन्जले यस्ता समस्या र विकृति नियन्त्रण गर्न राजमार्गमा पर्ने दाङको लमही, बाँकेको कोहलपुर, बर्दियाको बासगडी, कैलालीको कर्णाली पुल, सुर्खेतको छिन्चुमा स्थानीय होटल संचालकको अगुवाइमा अनुगमन समिति गठन गरेको छ ।
No comments:
Post a Comment