सुर्खेत, ५ बैशाख ।
लामो समयदेखि लोडसेडिङबाट पीडित हुदैं आएका सुर्खेतवासी केही दिन यता पटके लोडसेडिङबाट थप पीडित हुदैं आएको छ । केन्द्रीय लोडसेडिङ कायमै रहेपनि दिनभर र साँझको समयमा हुने पटके लोडसेडिङले सुर्खेतका विद्युतीय उद्योगहरु प्रभावित हुदैं आएको छ ।
विद्युत प्राधिकरण सुर्खेतले केन्द्रीय लोडसेडिङका अतिरिक्त गर्दै आएको आन्तरिक लोडसेडिङ पनि हटाएको जनाएको छ । तर साँझमा भने आन्तरिक लोडसेडिङ भोग्न उपभोक्ताहरु बाध्य छन् । घुस्रास्थित सवस्टेशनमा भएको सानो क्षमताको ट्रान्सफर्मरको सट्टा ठूलो क्षमताको ट्रान्सफर्मर राखिएकोले चैत मध्य सातादेखि आन्तरिक लोडसेडिङ हटाएको प्राधिकरणका प्रशासन प्रमुख श्यामलाल पौडेलले बताए । केही मर्मत गर्नुपर्ने बाहेक अन्य समयमा आन्तरिक लोडसेडिङ नभएको दावी उनले गरे ।
मंगलवार दिनभर मात्रै एक दर्जन पटक पटके लोडसेडिङ भएको छ । तालिका अनुसारको लोडसेडिङ नभएपनि कोहलपुरबाट काटिएको भन्दै विद्युत प्राधिकरणले रेडिमेड जवाफ दिने गरेको छ । सुर्खेतबासीका लागि पटके लोडसेडिङ टाउको दुखाई बनेको छ ।
मा
surkhet basi le andolan na garera hakim lai gayara kalo moso lagayapachi patake loadsedding kam huncha ani matra .............
ReplyDelete